Аутизмыг анх 1911 онд Швейцарийн сэтгэцийн эмч Паул Эгэн Блүлэр танилцуулсан байдаг. Тэр цагаас хойш олон судлаачид уг эмгэгийн шалтгааныг тайлбарлахыг оролдсон ч өнөөдөр хүртэл аутизм үүсэх үндсэн шалтгаан бүрэн тодорхойгүй хэвээр байна. Одоогийн байдлаар генетикийн нөлөө болон хүрээлэн буй орчны хүчин зүйлсийн харилцан үйлчлэлтэй холбоотой гэж үздэг. 

 

💊 Тиленол гэж юу вэ? 

Тиленол бол ацетаминофен гэх эмийн брэндийн нэр бөгөөд АНУ-аас бусад орнуудад парацетамол гэж нэрлэгддэг. Энэ эмийг Макнейл лаборатори 1955 онд анх худалдаанд гаргажээ. Өнөөдөр дэлхий даяар өргөн хэрэглэгддэг өвдөлт намдаах, халуун бууруулах эмийн нэг юм. 

📑 Сүүлийн үеийн маргаан 

Сүүлийн үед олон нийтийн мэдээллийн хэрэгслээр “Тиленол нь аутизмын шалтгаан болж байна” гэх мэдээлэл гарч буй ч энэ нь шинжлэх ухаанаар бүрэн нотлогдоогүй, ташаа ойлголт юм. Эм зүйн салбарт ашиглагдаж буй эмүүд нь олон арван жилийн туршид хийгдсэн судалгаа, аюулгүй байдлын үнэлгээнд тулгуурлан үйлдвэрлэгдэж, борлуулагддаг. Тиймээс аливаа мэдээллийг хүлээн авахдаа шинжлэх ухааны нотолгоонд тулгуурлах нь чухал. 

Эх сурвалж: 

https://www.who.int/news/item/24-09-2025-who-statement-on-autism-related-issues 

https://www.who.int/news-room/fact-sheets/detail/autism-spectrum-disorders 

https://www.washingtonpost.com/health/2025/09/22/tylenol-pregnancy-autism-risk-rfk-jr/ 

https://en.wikipedia.org/wiki/History_of_autism